常見問題Q. 昆特同其他卡牌遊戲比有咩特別？A. 昆特既特別之處有：
1. 福利極多：新手唔洗課金都可以玩得好開心。
CDPR 係出咗名既佛心；昆特牌係市面上福利數一數二最多既電子卡牌遊戲。
零課玩家如果認真玩，一個月內絕對可以砌到一副主流卡組。
2. 昆特冇費用系統，而且唔係每回合開始抽牌。
昆特唔係又一隻爐石或 MTGA 複製品，玩法獨特既同時又不失其深度。
昆特唔會出現因為唔夠費而有牌打唔出，又或者大優勢時比對手神抽逆轉既情況。
因為冇得每回合補牌，所以每小局開始就要運籌帷幄，技術要求（及回報）較高。
3. 卡畫質素係所有電子卡牌遊戲既頂峰。
CDPR 做美術最比心機，睇下昆特既廣告就知。（仲有Arena 廣告同Beta 廣告，值得一睇）
昆特卡畫超高質，而且每一張卡都有動畫版，有聲有畫面，應該係業界第一。
4. 昆特未有退環境，所以唔洗驚啲卡以後唔用得。
昆特總監 Jason Slama 講咗 2020 年內唔會有退環境，之後亦會盡力避免。
而家卡池尚淺，CDPR 太約每半年就會出一個擴展包。
Q. 新手應該玩咩模式？A. 新手要直接打 Ranked（即標準／Standard）。
標準模式多人玩，而且 較易搵到同你水平相近既對手。
賽季活動（Seasonal Event） 係歡樂模式，類似爐石大亂鬥，都幾多人玩，想做任可以呢到做。
另外仲有個 非排位（Unranked） 模式。要去訓練（Training）模式揀對陣玩家（Versus Player）先入到。
唔推薦新手玩呢個，因為呢個模式少人玩，又多牛鬼蛇神（有機會撞到職業玩家
）。
Q. 新手玩咩陣營好？A. 陣營有六個：
北方領域（Northern Realms／NR）松鼠黨（Scoia’tael／ST）怪獸（Monsters／MO）尼弗迦德（Nilfgaard／NG；又稱帝國）史凱利格（Skellige／SK；又稱群島）辛迪加（Syndicate／SY；新陣營）建議新手玩松鼠黨／北方領域／怪獸／史凱利格，呢幾個較易上手。
唔太推薦新手直接玩尼弗迦德。帝國雖然好玩，但要玩得好就要有一定遊戲理解。
極不推薦新手直接玩辛迪加，因為較難上手，而且卡組成本較高。（新手開波係一張辛迪加 卡都冇）
Q. 洗唔洗刷首抽？A. 唔洗。昆特冇一張卡係勁到贏在起跑線既程度。
其他手機遊戲就話抽到靚野先開局，但昆特係 PVP 遊戲，非常講平衡性，所以好少有 OP 卡。
而且昆特既獎勵多，玩多幾日就有唔少資源。與其浪費時間刷首抽，不如直接加入。
Q. 我想抄卡組！A. 請直接飛去砌卡組 Section。
Q. 新手買咩卡桶好？A. 如果已經決定好要專注某一個陣營既話，就全力買陣營桶。
（原因）陣營桶只會出指定陣營既卡，例如 怪獸 桶只會出 怪獸 陣營卡（陣營桶 唔會出中立卡 ）。終極桶就咩卡都可能出，咩陣營既卡都有（包括中立卡）。對新手黎講，因為而家既 成型卡組主要都係由陣營卡組成 ，所以如果你已經諗好玩邊個陣營既話，買陣營桶既集卡速度會比買終極桶快。亦因為係咁，個人強烈建議新手 盡快選擇專注既陣營 。
如果未決定專注既陣營，就開住終極（Ultimate）桶先。
如果想課金，請睇課金 Section。
Q. 卡桶三揀一抽中金卡，揀邊張好？A. 可以上連登 Post 問。（淨係問金卡好喇，銅卡自己揀）
Rule of thumb：有閃卡就揀閃卡
Q. 昆特有冇 PC 版？A. 有：可以去Steam或GOG下載。
無論用邊個平台，你都係要先註冊一個 GOG 帳號先玩到。
PC 版(Steam/GOG)同手機版(iOS/Android)可以共用同一個 GOG 帳號。
如果你係用Apple ID入坑，但又想玩PC版，請睇：（圖片摘自營地）
Q. 昆特有冇中文？A. 有，但只有簡體中文，設定入面搵。
留意中文翻譯可能有唔準確既地方，一切以英文版為準。
Q. 有冇得改名？A. 可以。
In order to change the username, please access the ACCOUNT & LOCALE section in GOG GALAXY 2.0 or in a browser and click the CHANGE button next to your avatar.
（返回快速導覽）